Project freight forwarding - heavy cargo ship loading wind turbine blades

საპროექტო ტვირთების ლოგისტიკა

საერთაშორისო გამოცდილება. რეგიონის ცოდნა. პრაქტიკული სატრანსპორტო გადაწყვეტილებები.

Phasis Logistics გეგმავს და კოორდინაციას უწევს საპროექტო, მძიმე და არაგაბარიტული (OOG) ტვირთების გადაზიდვას საქართველოში და შავი და კასპიის ზღვების ფართო რეგიონში, სამხრეთ კავკასიისა და ცენტრალური აზიის ჩათვლით.

ჩვენი სათავო ოფისი თბილისში მდებარეობს. ვეხმარებით EPC კონტრაქტორებს, აღჭურვილობის მწარმოებლებსა და პროექტების დამკვეთებს ენერგეტიკის, ნავთობისა და გაზის, სამთომოპოვების, ინფრასტრუქტურისა და მრეწველობის სექტორებში. ჩვენი გუნდი საერთაშორისო საპროექტო ლოგისტიკაში მიღებულ გამოცდილებას აერთიანებს რეგიონული ინფრასტრუქტურის, საპორტო ოპერაციებისა და საზღვრის კვეთის პროცედურების ცოდნასთან.

შესაძლებლობების საწყისი შეფასებიდან და ბიუჯეტირებიდან გადაზიდვის შესრულებასა და საბოლოო მიწოდებამდე, ერთიანი გეგმის ფარგლებში ვაკავშირებთ მომწოდებლებს, გადამზიდავებს, ტერმინალებსა და სპეციალიზებულ კონტრაქტორებს. სანდო პარტნიორებთან თანამშრომლობით ვაერთიანებთ საზღვაო, საავტომობილო, სარკინიგზო და საჰაერო ტრანსპორტს ტვირთის მახასიათებლების, მარშრუტისა და პროექტის გრაფიკის შესაბამისად.

იქნება ეს ერთი არაგაბარიტული დანადგარის გადაზიდვა თუ სხვადასხვა მომწოდებლისგან მიღებული ტვირთების მიწოდება, ჩვენი მიდგომა ეფუძნება საფუძვლიან მომზადებას, პასუხისმგებლობების მკაფიო განაწილებასა და დროულ კომუნიკაციას.

საქართველოს პორტებიდან რეგიონულ საპროექტო ობიექტებამდე

საქართველო საერთაშორისო საზღვაო მარშრუტებს სამხრეთ კავკასიისა და ცენტრალური აზიის საპროექტო დანიშნულებებთან აკავშირებს. ამ კავშირების ეფექტიანად გამოყენება სრული სატრანსპორტო ჯაჭვის დეტალურ დაგეგმვას მოითხოვს.

ვაკოორდინირებთ ფოთისა და ბათუმის გავლით ტვირთების გადაზიდვას, შემდგომ ტრანსპორტირებას საქართველოში, სომხეთისა და აზერბაიჯანის მიმართულებით, ასევე კასპიის რეგიონის გავლით ცენტრალური აზიის ბაზრებთან დაკავშირებას. თითოეული გეგმა ითვალისწინებს ტვირთის ზომებსა და წონას, დამუშავების მოთხოვნებს, ხელმისაწვდომ აღჭურვილობას, სასაზღვრო პროცედურებსა და საბოლოო დანიშნულების ადგილზე მისასვლელ პირობებს.

ჩვენი რეგიონული მიდგომა აერთიანებს ამ ეტაპებს და გადაზიდვის დაწყებამდე განსაზღვრავს პრაქტიკულ მარშრუტებსა და ალტერნატივებს.

პროექტების მართვა

უზრუნველვყოფთ პროექტის ლოგისტიკური ნაწილის ერთიან კოორდინაციას და სატრანსპორტო ოპერაციებს პროექტის საერთო გრაფიკს ვუსადაგებთ. საწყისი მოთხოვნებისა და ბიუჯეტის შეფასებიდან მიწოდების ანგარიშგებამდე, ვმართავთ მომწოდებლებს, გადამზიდავებსა და მიმღებ ობიექტებს შორის ურთიერთქმედებას, მკაფიო პასუხისმგებლობებითა და პრიორიტეტებით.

სატრანსპორტო სამუშაოების მოცულობის განსაზღვრა, განხორციელებადობის შეფასება და ბიუჯეტირება.
მომწოდებლების კოორდინაცია, ტვირთის მზადყოფნის მონიტორინგი და გაგზავნის ორგანიზება.
გადამზიდავების, ტერმინალების, სპეციალიზებული კონტრაქტორებისა და მიმღები ობიექტების კოორდინაცია.
ძირითადი ეტაპების ანგარიშგება, შეფერხებებზე რეაგირება და მიწოდების დოკუმენტაციის მართვა.

გემების დაფრახტვა

გემთმფლობელებისა და სპეციალიზებული საფრახტო პარტნიორების მეშვეობით ვაორგანიზებთ საპროექტო, მძიმე და არაკონტეინერიზებული ტვირთებისთვის შესაბამისი საზღვაო გადაზიდვის შესაძლებლობებს. ტვირთის მოთხოვნებს, გემის შესაბამისობასა და საპორტო პირობებს ერთობლივად ვაფასებთ და საზღვაო მონაკვეთს შემდგომ რეგიონულ ტრანსპორტირებას ვუთანხმებთ.

მძიმე ტვირთებისთვის განკუთვნილი, მრავალფუნქციური და გენერალური ტვირთის გემების ვარიანტების შეფასება.
გემის სრული ან ნაწილობრივი დატვირთვის დაფრახტვის ორგანიზება.
ჩატვირთვის პერიოდების, პორტში შესვლისა და გადმოტვირთვის გრაფიკების კოორდინაცია.
გემის ოპერაციების შეთანხმება საპორტო დამუშავებასა და შემდგომ სახმელეთო მიწოდებასთან.

სატრანსპორტო ინჟინერია

რთული ტვირთების გადაზიდვა მოითხოვს ტექნიკურ მომზადებას, რომელიც რეალურ სატრანსპორტო პირობებს შეესაბამება. კვალიფიციურ საინჟინრო სპეციალისტებთან თანამშრომლობით ვაკოორდინირებთ გადაზიდვის განხორციელებადობის შეფასებას და ტვირთის უსაფრთხო დამუშავების, დამაგრებისა და გადაადგილებისთვის საჭირო გადაწყვეტილებების მომზადებას.

ტვირთის ტექნიკური მონაცემების განხილვა და სატრანსპორტო აღჭურვილობის კონფიგურაციის განსაზღვრა.
აწევის, ლაშინგისა და ტვირთის დამაგრების გეგმების მომზადების კოორდინაცია.
ჩატვირთვისა და გადმოტვირთვის პროცედურებისა და სამუშაო მეთოდოლოგიის შემუშავების კოორდინაცია.
სპეციალიზებული ტექნიკური შეფასებებისა და პროექტით მოთხოვნილი შეთანხმებების კოორდინაცია.

საბაჟო მომსახურება

სპეციალიზებულ საბაჟო წარმომადგენლებთან ერთად ვაკოორდინირებთ საბაჟო გაფორმებასა და სატრანზიტო ფორმალობებს და დოკუმენტაციის მოთხოვნებს სატრანსპორტო გეგმაში წინასწარ ვითვალისწინებთ. გაგზავნამდე საჭირო ინფორმაციის მომზადება გვეხმარება ხარვეზების გამოვლენასა და პორტებსა თუ სასაზღვრო პუნქტებში თავიდან აცილებადი შეფერხებების შემცირებაში.

იმპორტის, ექსპორტისა და ტრანზიტის პროცედურების კოორდინაცია.
კომერციული დოკუმენტების, შეფუთვის სიებისა და სატრანსპორტო დოკუმენტაციის შემოწმება.
საჭიროების შემთხვევაში, დროებითი შემოტანისა და რეექსპორტის კოორდინაცია.
საბაჟო წარმომადგენლების, ტერმინალებისა და გადამზიდავების საქმიანობის შეთანხმება.

სასაწყობო მომსახურება

ტვირთის ზომების, დამუშავების მოთხოვნებისა და მიწოდების გრაფიკის შესაბამისად, ვაორგანიზებთ შენახვასა და შუალედურ განთავსებას შერჩეული ობიექტების მეშვეობით. შენახვა შეიძლება წარმოადგენდეს პროექტის საერთო ლოგისტიკური გეგმის ნაწილს, რათა სხვადასხვა წარმოშობის ტვირთი გაერთიანდეს და მიმღები ობიექტის მზადყოფნის შესაბამისად გაიგზავნოს.

შესაბამისი დახურული სასაწყობო სივრცისა და ღია მოედნების მოძიება და ორგანიზება.
ტვირთების კონსოლიდაცია, დაშლა და პროექტის ეტაპების შესაბამისად განთავსება.
ნაშთების ანგარიშგება და ტვირთის მიღებისა და გაცემის კოორდინაცია.
სატვირთო ოპერაციების, გადატვირთვისა და შემდგომი მიწოდების კოორდინაცია.

ჯანმრთელობა, უსაფრთხოება, გარემო და ხარისხი — HSEQ

ჯანმრთელობის დაცვა, უსაფრთხოება, გარემოს დაცვა და ხარისხი ჩვენი საპროექტო ლოგისტიკის დაგეგმვისა და კოორდინაციის განუყოფელი ნაწილია. ოპერაციულ პარტნიორებთან ერთად ვადგენთ რისკებს, ვათანხმებთ სამუშაო პირობებსა და პროცედურებს და შესრულებას პროექტის მოთხოვნებს ვუსადაგებთ.

რისკების შეფასებისა და სამუშაო მეთოდოლოგიის მომზადების კოორდინაცია.
პარტნიორებისა და აღჭურვილობის შერჩევა პროექტის მოთხოვნების შესაბამისად.
ოპერაციული ინსტრუქტაჟის, სამუშაო ზონებს შორის კოორდინაციისა და ინციდენტების ანგარიშგების შეთანხმება.
მარშრუტების, ტრანსპორტის სახეობებისა და ტვირთების კონსოლიდაციის შესაძლებლობების განხილვა ზედმეტი გადაადგილებების შესამცირებლად.

რეგიონული მარშრუტების დაგეგმვა და კვლევა

რეგიონული მარშრუტის განხორციელებადობას მხოლოდ ორ წერტილს შორის კავშირი არ განსაზღვრავს. ვაფასებთ სრულ გზას — ტვირთის მიმღები პორტიდან და სასაზღვრო პუნქტებიდან საბოლოო ობიექტთან მისასვლელ მონაკვეთამდე — იმ შეზღუდვებისა და ოპერაციული პირობების გათვალისწინებით, რომლებმაც შეიძლება მძიმე და არაგაბარიტულ გადაზიდვაზე გავლენა მოახდინოს.

რეგიონული მარშრუტებისა და მულტიმოდალური გადაზიდვის განხორციელებადობის კვლევა.
ხიდების, სიმაღლისა და სიგანის შეზღუდვების, მოსახვევების რადიუსებისა და მისასვლელი გზების შეფასება.
პორტების, ტერმინალების, სასაზღვრო პუნქტებისა და საბოლოო მიწოდების პირობების განხილვა.
საჭიროების შემთხვევაში, მარშრუტის დეტალური კვლევის, სატრანსპორტო ნებართვებისა და ესკორტის კოორდინაცია.
რეგიონული გადაზიდვებისთვის ალტერნატიული მარშრუტებისა და სარეზერვო გეგმების შემუშავება.

დავგეგმოთ თქვენი შემდეგი პროექტი

მოგვაწოდეთ ტვირთის ზომები და წონა, გაგზავნისა და დანიშნულების ადგილები, მიწოდების სასურველი თარიღი და არსებული ნახაზები. ჩვენი გუნდი შეაფასებს მოთხოვნებს და თქვენთან ერთად შეიმუშავებს პრაქტიკულ სატრანსპორტო გადაწყვეტას.

განვიხილოთ თქვენი პროექტი

info@phasislogistics.com +995 555 007 060